Fyllingar.

 

Til fyllingar nýta vit altjóða góðkent plast tilfar. Farvan verður passað til, so fyllingin líkist tonnini. Hetta er serliga hent har, ið tenninar síggjast væl.

​

Gamlar silvur fyllingar kunnu gera skaða á tonnina! 

Sum øll onnur metall, veksur amalgam (silvurfyllingin) sum frá líður. Hetta leggur trýst á tonnina og hon kann brotna. Tær smáu silvur fyllingarnar eru tær ringastu. Um tonnin er sterk uttanum, situr fyllingin sum ein kíli niður í tonnina og kann kloyva hana. Um tonnin er klovin, er einans at trekkja hana út. Tað ber til at fáa hana í aftur við einum implantati ella, um tað ikki er pláss til implantatið, við einari brúgv.